2010, സെപ്റ്റംബർ 24, വെള്ളിയാഴ്‌ച

ദിനാചരണം


സ്വതന്ത്ര സോഫ്‌റ്റ്‌ വെയര്‍ ദിനം ആഘോഷിച്ചു
നെടുവേലി ഗവ.ഹയര്‍സെക്കണ്ടറി സ്‌കൂളില്‍ സ്വതന്ത്ര സോഫ്‌റ്റ്‌ വെയര്‍ ആഘോഷങ്ങള്‍ സെപ്‌തംബര്‍ 22-ന്‌ നടന്നു.സ്വതന്ത്ര സോഫ്‌റ്റ്‌ വെയറിന്റെ പ്രാധാന്യം വിദ്യാര്‍ത്ഥികളിലും രക്ഷിതാക്കളിലും പൊതു സമൂഹത്തിലും എത്തിക്കുകയാണ്‌ ഈ പരിപാടിയുടെ ലക്ഷ്യം.'സ്വതന്ത്രസോഫ്‌റ്റ്‌ വെയറിന്റെ പ്രാധാന്യം '-എന്ന വിഷയത്തില്‍ അഭിജാത്‌ സെമിനാര്‍ പ്രബന്ധം അവതരിപ്പിച്ചു.ഐ.ടി അധിഷ്‌ഠിത പഠനത്തിന്റെ പ്രാധാന്യത്തെക്കുറിച്ച്‌ രക്ഷിതാക്കളില്‍
ഉദ്‌ഘാടനം ഹെഡ്‌മിസ്‌്‌്‌ട്രസ്സ്‌ ശ്രീമതി. പ്രസന്നകുമാരി നിര്‍വ്വഹിച്ചു.സ്‌കൂള്‍ sitc ശ്രീമതി.എസ്‌.മീര പ്രവര്‍ത്തനങ്ങള്‍ക്ക്‌ നേതൃത്ത്വം നല്‍കി. അവബോധം സൃഷ്‌ടിക്കുന്നതിന്‌,സ്‌കൂളിന്റെ പഠനപ്രവര്‍ത്തനങ്ങളെ ആധാരമാക്കിയുള്ള 'മള്‍ട്ടിമീഡിയ പ്രസന്റേഷന്‍ ' സ്‌മാര്‍ട്ട്‌ ക്‌ളാസ്സ്‌ മുറിയില്‍ രക്ഷിതാക്കള്‍ക്കു മുന്നില്‍ പ്രദര്‍ശിപ്പിച്ചു.അറുപതോളം രക്ഷാകര്‍ത്താക്കള്‍ പങ്കെടുത്തു.ക്വിസ്സ്‌ പ്രോഗ്രാം,ഡിജിറ്റല്‍ പെയിന്റിംഗ്‌ എന്നീ മത്സരങ്ങളും സംഘടിപ്പിച്ചു.ആഘോഷങ്ങളുടെ

2010, സെപ്റ്റംബർ 21, ചൊവ്വാഴ്ച

അംഗീകാരം


ഹാട്രിക്‌ നേട്ടത്തിന്റെ അംഗീകാരവുമായി നെടുവേലി
തുടര്‍ച്ചയായി മൂന്നാം വര്‍ഷവും തിരുവനന്തപുരം വിദ്യാഭ്യാസജില്ലയിലെ മികച്ച വിദ്യാലയം എന്ന ഖ്യാതി നിലനിര്‍ത്തിയിരിക്കുകയാണ്‌ നെടുവേലി ഗവ.ഹയര്‍സെക്കണ്ടറി സ്‌കൂള്‍.
തിരുവനന്തപുരം ജില്ലാപഞ്ചായത്തിന്റെ വിദ്യാഭ്യാസ അവാര്‍ഡാണ്‌ വീണ്ടും നെടുവേലി സ്‌കൂള്‍ കരസ്ഥമാക്കിയത്‌.കഴിഞ്ഞ എസ്‌.എസ്‌.എല്‍സി പരീക്ഷയില്‍ തിരുവനന്തപുരം വിദ്യാഭ്യാസജില്ലയില്‍ ഏറ്റവും ഉയര്‍ന്ന വിജയശതമാനം നേടിയ വിദ്യാലയത്തിനുള്ള അവാര്‍ഡാണ്‌ നെടുവേലി സര്‍ക്കാര്‍ വിദ്യാലയത്തിനു ലഭിച്ചത്‌.ഒരു ലക്ഷം രൂപയും ട്രോഫിയുമാണ്‌ അവാര്‍ഡ്‌.ബഹു.തുറമുഖവകുപ്പ്‌ മന്ത്രി ശ്രീ.സുരേന്ദ്രന്‍ പിള്ളയില്‍ നിന്നും ഹെഡ്‌മിസ്‌ട്രസ്സ്‌ ജി.പ്രസന്നകുമാരി ജില്ലാപഞ്ചായത്ത്‌ ഹാളില്‍ നടന്ന ചടങ്ങില്‍ അവാര്‍ഡ്‌ ഏറ്റുവാങ്ങി. തികച്ചും ഗ്രാമപ്രദേശത്ത്‌ പ്രവര്‍ത്തിച്ച്‌ ഉന്നതവിജയം നേടുന്ന ഈ സ്‌കൂള്‍ ചിട്ടയായ പ്രവര്‍ത്തനങ്ങളിലൂടെയാണ്‌ ഈ വിജയം കൈവരിച്ചത്‌.

2010, സെപ്റ്റംബർ 12, ഞായറാഴ്‌ച


നെടുവേലി സ്‌കൂളില്‍വിളവെടുപ്പ്‌ ഉത്സവം
ഓണാഘോഷം കഴിഞ്ഞെത്തിയ കുട്ടികള്‍ നെടുവേലി സ്‌കൂളില്‍ വിളവെടുപ്പ്‌ ഉത്സവം ആഘോഷിക്കുന്നു.സ്‌കൂള്‍ പരിസ്ഥിതി ക്‌ളബ്ബായ ഗ്രീന്‍സിന്റെയും മാതൃഭൂമി സീഡ്‌ പ്രവര്‍ത്തനങ്ങളുടെയും ഭാഗമായി കുട്ടികള്‍ കൃഷിചെയ്‌ത്‌ പരിപാലിച്ച പച്ചക്കറികളുടെ വിളവെടുപ്പ്‌ ആരംഭിച്ചു.സ്‌കൂള്‍ ഹെഡ്‌മിസ്‌ട്രസ്സ്‌ പ്രസന്നകുമാരി വിളവെടുപ്പ്‌ ഉദ്‌ഘാടനം ചെയ്‌തു.ചീര,വെണ്ട,കത്തിരി,തുടങ്ങിയവ കുട്ടികള്‍ എട്ട്‌ ഗ്രൂപ്പായി എട്ട്‌ പ്‌ളോട്ടുകളില്‍ കൃഷിചെയ്‌തു.പാകമെത്തിയ ചീരച്ചെടികളുടെ വിളവെടുപ്പാണ്‌ കഴിഞ്ഞദിവസം നടന്നത്‌.ഓരോ ഗ്രൂപ്പിന്റെയും നേതൃത്ത്വത്തില്‍ കളപറിക്കല്‍,വളമിടീല്‍,ചെടിനനയ്‌ക്കല്‍ എന്നീ പരിചരണ മുറകള്‍ കാര്യക്ഷമമായി നടന്നു.സ്‌കൂള്‍ ഉച്ചഭക്ഷണ പരിപാടിക്ക്‌ ആവശ്യമായ പച്ചക്കറികള്‍ കൃഷിചെയ്‌ത്‌ കണ്ടെത്താനുള്ള ശ്രമത്തിലാണ്‌ പരിസ്ഥിതി ക്‌ളബ്ബ്‌. ഉച്ചഭക്ഷണം ഇനി മുതല്‍ പോഷകഗുണമുള്ള ഭക്ഷണമായിത്തീരുകയാണെന്ന്‌ ഹെഡ്‌മിസ്‌ട്രസ്സ്‌ പറഞ്ഞു.ക്‌ളബ്ബ്‌ കണ്‍വീനര്‍ ഒ.ബിന്ദു,അദ്ധ്യാപകര്‍ എന്നിവര്‍ പങ്കെടുത്തു.